15 აპრილს, იურიდიული დახმარების სამსახურის სასწავლო ცენტრისა და ანალიტიკური სამმართველოს წარმომადგენლები თბილისის 124-ე სკოლას ესტუმრნენ. შეხვედრა საინფორმაციო კამპანიის "იცოდე შენი უფლება 18-წლამდე"  ფარგლებში ჩატარდა.  

ანალიტიკოსმა ნანო ვაჭარაძემ სპეციალური პრეზენტაციის ფარგლებში ბავშვებს გააცნო იურიდიული დახმარების სამსახურის სერვისები, "ბავშვის უფლებათა" და "არასრულწლოვანთა მართლმსაჯულების" კოდექსი. პრეზენტაცია მოიცავდა ტოლერანტობისა და ბულინგის საკითხებს, რომელმაც მოზარდების დიდი ინტერესი გამოიწვია. 

მოსწავლეებს ასევე წარუდგინეს იურიდიული დახმარების სამსახურის ბავშვებზე ადაპტირებული ვებგვერდი www.children.las.ge  და მობილური აპლიკაცია LAS Georgia, სადაც ასევე შესაძლებელია სამართლებრივი კონსულტაციის მიღება ბავშვთა უფლებებთან დაკავშირებულ საკითხებზე. 

მოზარდები აქტიურად ჩაერთნენ დისკუსიაში და დასმულ კითხვებზე ამომწურავი პასუხები მიიღეს.