slider banner

1 ივნისი, ბავშვთა დაცვის საერთაშორისო დღე, იურიდიული დახმარების სამსახურმა თბილისის მე-18 საჯარო სკოლაში აღნიშნა. სპეციალური პრეზენტაცია მე-8 კლასის მოსწავლეებს წარუდგინა ანალიტიკური სამმართველოს ანალიტიკოსმა ნანო ვაჭარაძემ.
პრეზენტაცია მოიცავდა, როგორც ბავშვის უფლებათა კოდექსის და კონვენციის, ბულინგის, ტოლერანტობის, ინკლუზიური განათლების,  ასევე არასრულწლოვანთა მართლმსაჯულების საკითხებს და რაც მთავარია, იურიდიული დახმარების სამსახურის სერვისებს, რომელიც გულისხმობს არამარტო უფასო სამართლებრივი კონსულტაციის გაწევას, არამედ წარმომადგენლობის განხორციელებას ყველა ადმინისტრაციულ ორგანოში ნებისმიერი ბავშვის ინტერესების დასაცავად და შესაბამისი დოკუმენტაციის მომზადებას. 

მოსწავლეების განსაკუთრებული ინტერესი გამოიწვია ბულინგის თემამ. ბავშვებმა გამოთქვეს თავიანთი მოსაზრებები და სურვილი, რომ მსგავსი შეხვედრები კვლავ ჩატარდეს. 

შეხვედრა ჩატარდა იურიდიული დახმარების სამსახურის საინფორმაციო კამპანიის "იცოდე შენი უფლებები 18 წლამდე" ფარგლებში.